— लुका मोडरिचको उत्कृष्ट गोलको मद्दतले रियल म्याड्रिडले आइतबार स्पेनी ला लिगामा सेभियालाई १–० ले हराएको छ र लिग तालिकाको शीर्षमा आठ अंकको स्पष्ट अग्रता लिएको छ ।
खेल बराबरीतर्फ अग्रसर भइरहेको स्थितिमा मोडरिचले ८१ औं मिनेटमा गोल गरेका हुन् । यो जितपछि उसको २६ खेलबाट ६५ अंक भएको छ । समान खेलबाट दोस्रोमा रहेको बार्सिलोनाको ५७ अंक छ ।
आइतबारका अन्य खेलमा रियल बेटिसले एथलेटिको बिलबाओलाई ३–१ ले हरायो । यस्तै काडिजले सेल्टा भिगोसँग २–२ र लास पाल्मासले ओसासुनासँग १–१ को बराबरी खेल्यो ।
