मुख्य समाचार
पकिस्तानी व्यवसायीलाई नेपाल चेम्बर एक्स्पो र लगानी सम्मेलनमा भाग लिन निम्तो
पकिस्तानी व्यवसायीलाई नेपाल चेम्बर एक्स्पो र लगानी सम्मेलनमा भाग लिन निम्तो

— पाकिस्तानी व्यवसायीलाई नेपालमा मार्चमा हुने नेपाल चेम्बर एक्स्पो र अप्रिलमा हुने लगानी सम्मेलनमा सहभागि हुनको लागि निम्तो दिइएको छ ।

पाकिस्तानका लागि नेपाली राजदूत तापस अधिकारीले शनिबार इस्लामावादस्थित सियालकोट चेम्बर अफ कमर्स एन्ड इन्डस्ट्रीमा पुगेर व्यवसायीसँग भेटवार्ता गर्दै नेपालमा हुने दुई कार्यक्रमहरुमा सहभागिता जनाउनको लागि आग्रह गरेका हुन् । साथै, उक्त अवशरमा राजदूत अधिकारीले व्यवासयीहरुसँग पनि अन्तरक्रिया गरे ।



नेपाली दूतावासका अनुसार राजदूत अधिकारीले सियालकोटलाई पाकिस्तानमा खेलकुदका सामान, सर्जिकल वस्तुहरू र भान्छाको कटलरी उत्पादनहरूको हबको रूपमा रहेकोमा प्रसंशा गरे । सियालकोटका उद्यमीहरूको सहभागिताले द्विपक्षीय व्यापारको नयाँ बाटो खोल्ने अधिकारीले बताए । उनले प्रवर्द्धन, लगानी र प्रविधि हस्तान्तरणमा प्रत्यक्ष वैदेशिक लगानीका लागि नेपाल सरकार सबै प्रकारको सहयोग गर्न तयार रहेको पनि प्रष्ट पारे ।

सियालकोट नेपाली जनताको कडा परिश्रम, नवप्रवर्तन र उद्यमशीलताका कारण एउटा सानो सहरबाट विश्वव्यापी व्यापारिक केन्द्रमा उभिन सफल भएकोले यसलाई नेपाली जनताका लागि एउटा रोल मोडल हुनसक्ने बताए ।

नेपाल र पाकिस्तानबीच थप आर्थिक संलग्नता आवश्यक रहेको र नेपालका राजदूत अधिकारीले दुवै देशका लागि फाइदाजनक हुने गरि पाकिस्तानमा हुने व्यापारिक अवसरलाई सदुपयोग गर्न चाहेको उल्लेख गरे ।


‘नेपाल दक्षिण एसियाको पर्यटकीय हब भएको र नेपाल नजिक, अतिथि सत्कार गर्ने र पाकिस्तानी नागरिकका लागि सहज भिसा व्यवस्था भएकोले उनीहरूलाई व्यापारिक उद्देश्यका साथसाथै परिवार र साथीभाइलाई छुट्टी मनाउन नेपाल भ्रमण गर्न निमन्त्रणा पनि दिएको छु,’ राजदूत अधिकारीले भने ।

सियालकोट चेम्बर अफ कमर्स एन्ड इन्डस्ट्रीका अध्यक्ष अब्दुल गफुर मलिकले नेपाल र पाकिस्तानबीच सौहार्दपूर्ण सम्बन्ध रहेको उल्लेख गरे । उनले यो वर्ष आपसी सम्मान, गहिरो समझदारी र शान्ति र सामाजिक–आर्थिक प्रगतिको साझा दृष्टिकोणमा आधारित बलियो द्विपक्षीय सम्बन्धको ६४ वर्ष मनाउने बताए ।

प्रतिक्रिया दिनुहोस्
अन्य समाचारहरु
। अमेरिकाका पूर्वराष्ट्रपति बाराक ओबामाले उपराष्ट्रपति कमला ह्यारिसलाई डेमोक्रेटिक पार्टीबाट राष्ट्रपतिको उम्मेदवारको रूपमा समर्थन गरेका छन् । राष्ट्रपति जो बाइडेनले आगामी चुनावमा राष्ट्रपतिको प्रतिस्पर्धाबाट पछि हट्दै ह्यारिसलाई अगाडि सारे पनि ओबामाले यसबारे कुनै प्रतिक्रिया दिएका थिएनन् । पूर्वराष्ट्रपति ओबामा र पूर्व प्रथम महिला मिशेल ओबामाले संयुक्त वक्तव्यमा अहिलेको संकटपूर्ण समयमा ह्यारिसको दूरदृष्टि, चरित्र र शक्तिको माग भइरहेको ...
। गत आइतबार अर्थात् जुलाई २१, २०२४ पृथ्वीको इतिहासकै सबैभन्दा गर्मी दिनको रुपमा रह्यो । कपर्निकल क्लाइमेट चेन्ज सर्भिस (c3s)का अनुसार आइतबार विश्वको औसत तापमान १७.०९ डिग्री सेल्सियस मापन भएको थियो । यसले सन् १९४० देखि अहिलेसम्मका सबै रेकर्ड तोडिदिएको छ । यसबीच संयुक्त राष्ट्रसंघका महासचिवले भने पृथ्वी जोगाउन कम्मर कस्न सबैलाई आह्वान गरेका छन् । भयानक ...
: ताइवानमा गेमी आँधी आएपछि तल्लो भेगमा बाढी र पहिरो गएको छ। आँधीले घर र पसलहरूमा क्षति पुगेको छ। आँधीले पश्चिमी प्रशान्त क्षेत्रलाई बगाएको छ। फिलिपिन्समा बाढी र पहिरोबाट २२ जनाको मृत्यु भएको छ। साथै ताइवानमा पनि तीन जनाको मृत्यु भएको छ भने दुई सय २० भन्दा बढी घाइते भएका छन्। ताइवानमा कार्यालय र विद्यालय ...
गाजामा हमासले बन्दी बनाएका दुई बन्धकको मृत्यु भएको इजराइली अभियान समूह होस्टेजेज एन्ड मिसिङ फ्यामिलिज फोरमले बताएको छ । फोरमका अनुसार अक्टोबर ७ मा हमासले गरेको आक्रमणमा अपहरित ३५ वर्षीय यागेभ बुचश्ताब र ७६ वर्षीय एलेक्स डान्सिङको मृत्युले बन्धकहरूलाई घर फर्काउनु अत्यावश्यक भएको सम्झना गराउँछ। फोरमले उनीहरूको मृत्यु कहिले भएको भन्नेबारे कुनै जानकारी दिएको छैन ...
: रोजगारीमा आरक्षण कोटाको विरोधमा भएको विद्यार्थी आन्दोलनमा अशान्ति फैलिएपछि बङ्गलादेशमा हालसम्म दुई हजार पाँच सय बढी मानिस गिरफ्तार भएको एएफपीले बताएको छ। मृत्यु हुनेमा प्रहरी अधिकारीहरु पनि रहेको जनाइएको छ। गत साताबाट बङ्गलादेशमा सरकारी नोकरीमा भएको कोटाविरुद्ध प्रदर्शन सुरु भयो। प्रधानमन्त्री शेख हसिनाको कार्यकालको सबैभन्दा खराब वा अशान्तिपूर्ण अवस्थामा रूपमा यसलाई लिइएको सञ्चारमाध्यममा ...