— इंग्लिस मिडफिल्डर रुबेन लोफ्टस–चेकको दुई गोलको मद्दतले एसी मिलानले युरोपा लिग नकआउट चरण प्ले अफको पहिलो लेगमा बिहीबार रेनेसलाई ३–० ले हराएको छ । मिलानले आफ्नो घरमा यो सजिलो जित निकालेको हो ।
मिलानका लागि अर्को गोल राफेल लिओको नाममा रह्यो । चेल्सीबाट मिलान आएका लोफ्टस–चेकले पछिल्ला पाँच खेलमा गरेको गोल संख्या पाँच नै पुगेको छ ।
नकआउट चरण प्ले अफको पहिलो लेगका अन्य खेलमा गालातासारेले स्पार्टा प्रागलाई ३–२, बेनफिकाले टुलोजलाई २–१, स्पोर्टिङले योङ ब्वाइजलाई ३–१ र काराबागले स्पोर्टिङ ब्रागलाई ४–२ ले हरायो ।
यस्तै फायनउड र रोमाले १–१, साख्तर डोनेस्क र मार्सेले २–२, लेन्स र फ्रेबर्गले गोलरहित बराबरी खेले ।
