मुख्य समाचार
बाँसबारीको जग्गा फर्काएर टार्ने खेल
बाँसबारीको जग्गा फर्काएर टार्ने खेल

: भूमिसुधार तथा मालपोत कार्यालय काठमाडौंले बाँसबारी छालाजुत्ता कारखानाको १० रोपनी जग्गा हिनामिना प्रकरणको अनुसन्धान थालेको छ। च्याम्पियन फुटवेयर प्रालि (हाल चाँदबाग रेजिडेन्सी प्रालि) का अध्यक्ष सञ्जय ठाकुरलाई २१ दिनभित्र जग्गा फिर्ता गर्न निर्देशन दिएको छ।


मालपोत अधिकृत बोगराज शर्मा कट्टेलले ठाकुरलाई बाटोको हद म्यादबाहेक २१ दिनभित्र आफैं वा वारेस गरी कार्यालय समयभित्र उपस्थित हुन निर्देशन दिएका छन्। प्रहरी प्रधान कार्यालयले सो जग्गा नेपाल सरकारको नाममा स्रेस्ता अध्यावधिक गरी ल्याउन गरेको पत्राचार गरेअनुसार नै मालपोतले पत्र काटेको देखिएको छ।

प्रहरीको केन्द्रीय अनुसन्धान ब्युरो (सीआईबी) ले सीजी होल्डिङका प्रबन्ध निर्देशक अरुण चौधरी र बाँसबारी छाला जुत्ता कारखानाका तत्कालीन सञ्चालक समिति अध्यक्ष अजितनारायणसिंह थापा र चाँदबाग रेसिडेन्सी प्रालिका अध्यक्ष ठाकुरलाई पक्राउ गरेको थियो।

ठाकुर अम्रपाली इन्फ्रास्ट्रक्चर एन्ड हाउजिङ प्रालिका अध्यक्षसमेत हुन्। उनीहरू तीनै जना जग्गा फिर्ता गर्ने भन्दै नाटकीय रूपमा छुटेका थिए।

२०३७ मा तत्कालीन श्री ५ को सरकारको १८ रोपनी ३ आना २ पैसा जग्गा बाँसबारी छालाजुत्ता कारखानालाई दिइएको थियो। २०४३ मा सो जग्गामध्येबाट बाँसबारी छालाजुत्ता कारखानाका तत्कालीन अध्यक्ष अजितनारायणसिंह थापा र चौधरी ग्रुपकातर्फबाट लुनकरणदास चौधरीबीच च्याम्पियन फुटवेयर लिमिटेड स्थापना गर्ने सम्झौता भएको थियो। सम्झौताअनुसार जारी पुँजी ५० लाख रहेको सो कम्पनीमा चौधरी समूहको ५१ प्रतिशत, बाँसबारी छालाजुत्ता कारखानाको २५ प्रतिशत र सार्वसाधारणको २४ प्रतिशत सेयर हुने गरी कम्पनी स्थापना गरिएको थियो।

२०४३ कात्तिक २७ मा ‘च्याम्पियन फुटवेयर लिमिटेड’ रजिष्टार कार्यालयमा दर्ता भएको थियो। २०४४ भदौ ५ मा छालाजुत्ता कारखानाको १८ रोपनीमध्ये ६ रोपनी जग्गा च्याम्पियन फुटवेयरका नाममा हस्तान्तरण गरिएको थियो। जसको मूल्यांकन २ लाख ५० हजार प्रतिरोपनी गरिएको थियो। छालाजुत्ता कारखानाको २५ प्रतिशत सेयरबापत ६ रोपनी जग्गा च्याम्पियन फुटवेयरलाई प्रदान गरिएको थियो।

चौधरी समूहले २०४४ कात्तिक १३ मा कारखानामा थप एक लाख रुपैयाँ खर्च गरेको थियो। त्यही आधारमा थप ४ रोपनी जग्गा २०४४ मंसिर १८ मा च्याम्पियन फुटवेयरलाई हस्तान्तरण गरिएको थियो। यही साल कम्पनीको पुँजी १ करोड बनाइएको थियो। ५१ प्रतिशत सेयर भएको च्याम्पियनले २६ लाख मात्रै लगानी गरेको थियो भने छालाजुत्ताले ४ रोपनी जग्गा नामसारी गरिदिएको थियो। यसको केही वर्षपछि छालाजुत्ता कारखाना बन्द भयो।

२०४९ असार २३ मा अर्थ मन्त्रालयले निजीकरण गर्ने निर्णय गरेको थियो। सीआईबीका अनुसार निजीकरणका क्रममा च्याम्पियन फुटवेयरबाट २५ प्रतिशत सेयर किन्नुपर्ने प्रस्ताव भएको थियो। २०५१ वैशाख १४ मा अर्थराज्यमन्त्री महेश आचार्यको नेतृत्वमा निजीकरण एकाइ समितिको बैठकद्वारा च्याम्पियन फुटवेयर कम्पनीमा बाँसबारी छालाजुत्ता कारखाना लिमिटेडको २५ प्रतिशत सेयर महालेखा नियन्त्रक कार्यालयमा नामसारी गर्ने निर्णय गरेको थियो। महालेखा नियन्त्रण कार्यालयमा २५ प्रतिशत सेयर लिलामी गर्ने निर्णय भएको थियो। अन्य केही कम्पनीको प्रस्तावसमेत हालेर ३६ लाख रुपैयाँमा अरुणकुमार चौधरीले सो सेयर खरिद गरेका थिए। २०५१ मा अर्थमन्त्री भरतमोहन अधिकारीले च्याम्पियन फुटवेयरमा रहेको कारखानाको सेयर बिक्री गर्ने निर्णय गरेका थिए। २०५२ साउन ११ मा कम्पनीको २५ प्रतिशत सेयर ३६ लाख रुपैयाँमा अरुणकुमार चौधरीले आफ्नो नाममा खरिद गरेका थिए।

२०५४ साउन १२ मा च्याम्पियन फुटवेयरलाई प्राइभेट लिमिटेड बनाउने प्रक्रिया सुरु भएको थियो। बासँबारी छालाजुत्ता कारखानाको २५ प्रतिशत सेयर २०५४ साउन १२ मा अरुण चौधरीको नाममा हस्तान्तरण गरिएको थियो। २०५४ पुस ४ मा च्याम्पियन फुटवेयर अरुण चौधरी र शिला चौधरीको नाममा प्राइभेट लिमिटेडमा दर्ता भएको थियो।

त्यसपछि च्याम्पियन फुटवेयर लिमिटेडको नाम परिवर्तन गरी सीजी चाँदबाग रेजिडेन्सी प्रालि बनाइएको हो। च्याम्पियन फुटवेयर प्रालि र चाँदबाग रेसिडेन्सीको दर्ता नम्बर एउटै ७८१९ छ। चाँदबाग रेसिडेन्सीमा अरुणकुमार चौधरी, शिला चौधरी, आम्रपालिका अध्यक्ष सञ्जय ठाकुर सञ्चालक छन्। यो जग्गा २०६६ कात्तिक २५ गते डिल्लीबजार मालपोत कार्यालयले हालसाविक गरेको थियो।

प्रतिक्रिया दिनुहोस्
अन्य समाचारहरु
— प्रमुख प्रतिपक्षी माओवादी केन्द्रका उपमहासचिव जनार्दन शर्माले राज्यको पुनः संरचना, प्रत्यक्ष निर्वाचित कार्यकारी राष्ट्रपतीय शासकीय स्वरुप र पूर्ण समानुपातिक निर्वाचन प्रणालीका लागि संविधान संशोधन गर्न सकिने बताएका छन् । संविधानमा भएका अधिकारलाई कटौती गर्न र मुलुकलाई पछाडि फर्काउनका लागि गरिने संशोधन आफ्नो पार्टीलाई स्वीकार्य नभएको उनको भनाइ छ । राष्ट्रिय समाचार समितिसँग कुराकानी गर्दै शर्माले भनेका ...
— नेकपा माओवादी केन्द्रका उपमहासचिव वर्षमान पुनले माओवादी जनयुद्ध र शान्ति प्रक्रियाका २० वर्ष पछिको परिवर्तनमाथि प्रश्न उठेको बताएका छन् । शान्ति प्रक्रियापछि स्थापित लोकतन्त्र, गणतन्त्र, धर्मनिरपेक्षता, समावेशिता र सामाजिक न्यायको कार्यान्वयन माथि प्रश्न उठेको र समस्या तथा सीमाहरू देखिएको उनको भनाइ छ । नेकपा माओवादी केन्द्र चन्द्रकोट गाउँ कमिटीको तेस्रो अधिवेशन उद्घाटन गर्दै उनले ...
— प्रधानमन्त्री केपी शर्मा ओलीले कानुन कार्यान्वयनको ढिलासुस्तीलाई हटाउन अध्यादेश ल्याएको बताएका छन् । शनिबार काठमाडौंमा नेपाल पुलिस क्लब द ब्लु पेभिलियनको उद्घाटन समारोहलाई सम्बोधन गर्दै प्रधानमन्त्री ओलीले अध्यादेश ल्याउने कार्यको बचाउ गर्दै यसो भनेका हुन् । संघीय संसद् अधिवेशन आह्वान गर्नुपहिले ल्याइएका अध्यादेशले २९ वटा कानुन संशोधन गरिएको पनि प्रधानमन्त्री ओलीले बताए । उनले ...
: मधेश प्रदेशका मुख्यमन्त्री सतिष कुमार सिंहले जनकपुरधामको अवैधानिक रूपमा सञ्चालित मुस्कान अस्पताल बन्द गर्न निर्देशन दिएका छन्। अस्पतालमा पित्तथैलीको अप्रेसन गरेको बिरामीको २० दिनसम्म होस खुल्न नसकेको समाचार प्रकाशन भएपछि मुख्यमन्त्रीले अस्पताल अनुगमन गरेर सिल गरेर साँचो बुझाउन निर्देशन दिएका हुन्। मुख्यमन्त्रीले शुक्रबार ११ बजे राति अनुगमन गरी बन्द गर्न निर्देशन दिएका हुन्। ...
— जितपुर सिमरा उपमहानगरपालिका-७ जितपुर बजारबाट १० दिनदेखि हराइरहेका तीन वर्षीय बालकको शव फेला परेको छ । वीरगन्ज-३२ टेढा गाउँनजिकको सियासोती खोलामा बालक अंशु जयसवालको शव शनिबर फेला परेको इलाका प्रहरी कार्यालय सिमराकी प्रहरी नायब उपरीक्षक शुभद्रा वाइबाले बताइन् । माघ १७ मा बालक घरबाट खेल्न निस्केका थिए । बालकको शव खोलामा घोप्टो परेको अवस्थामा ...