: ठगी मुद्दामा 'रेड नोटिस; जारी भएका सर्लाहीका कोमलराज उपाध्याय पक्राउ परेका छन्। ठगी गरेको आरोपमा दुबईस्थित त्रिनेत्र म्यानेजमेन्ट कन्सल्टेन्सी प्रालिका सञ्चालक ४१ वर्षीय उपाध्यायलाई नेपाल प्रहरी र इन्टरपोलको समन्वयमा पक्राउ गरी नेपाल ल्याइएको केन्द्रीय अनुसन्धान ब्यूरोका प्रवक्ता प्रहरी उपरीक्षक नवराज अधकारीले जानकारी दिए।
उपाध्यायविरुद्ध अन्तर्राष्ट्रिय प्रहरी अपराध संगठन (इन्टरपोल)बाट २०७९ साल वैशाख २७ गते रेड नोटिस जारी गरिएको थियो।
श्रीराम रानाभाटसमेत ८३ जनालाई दुबईमा विभिन्न पदमा आकर्षक तलब हुने रोजगारीको प्रलोभन देखाइ पीडितबाट २ करोड ६३ लाख ५४ हजार ६१० रुपैयाँ लिइ फरार रहेका थिए।
उपाध्यायमाथि मुलुकी अपराध संहिता २०७४ को परिच्छेद २१ को ठगी आपराधिक विश्वासघात तथा आपराधिक लाभ कार्यमा संलग्न रहेको आरोप छ।
उनलाई थप कारबाहीका लागि जिल्ला अदालत काठमाडौं उपस्थित गराइएको प्रहरीले जनाएको छ।
