मुख्य समाचार
मेसी टाइम म्यागजिनको ‘एथ्लेट अफ दि इअर’ घोषित
मेसी टाइम म्यागजिनको ‘एथ्लेट अफ दि इअर’ घोषित

। अर्जेन्टिना तथा इन्टर मायमीका फरवार्ड लिओनल मेसीले टाइम म्यागजिनको ‘एथ्लेट अफ दि इअर’ अवार्ड जितेका छन् ।

गत जुलाईमा मेजर सकर लिग टोली इन्टर मायमीमा अनुबन्ध भएका मेसीले सबैखाले प्रतियोगितामा गरी १४ खेलमा ११ गोल गरेका थिए । उनकै उत्कृष्ट प्रदर्शनमा इन्टर मायमीले क्लब इतिहासमै पहिलो उपाधिको रुपमा लिग्स कपको उपाधि जितेको थियो ।

३६ वर्षीय मेसीले अक्टोबरमा कीर्तिमानी आठौं पटक बालोन डे’ओर अवार्ड समेत जितेका थिए ।

‘लिओनल मेसीले यो वर्ष असम्भव देखिने उपलब्धिहरु हासिल गरेका छन् । जब उनले इन्टर मायमीसँग सम्झौता गरे अनि अमेरिकालाई एउटा फुटबल देशको रुपमा चिनाएका,’ टाइमले लेखेको छ ।

यस्तै टाइमसले मेसीको आगमनले रंगशालामा दर्शकको उपस्थिति, टिकटको मूल्य र मर्चेन्डाइज बिक्रीमा उल्लेख्य वृद्धि तथा एमएलएस खेलको दर्शक बढाउन महत्वपूर्ण योगदान गरेको जनाएको छ ।

गत वर्ष अर्जेन्टिनालाई विश्व च्याम्पियन बनाएका मेसीले टाइम म्यागजिनको अवार्ड जित्ने जिम्न्यास्ट सिमोन बेल्स, स्विमर माइकल फेल्प्स र एनबीए सुपर स्टार लिब्रोन जेम्सको सूचीमा समावेश भएका छन् ।

फ्रेन्च क्लब पेरिस सेन्ट जर्मेनसँग सम्झौता सकिएपछि मेसीले आफ्नो ब्वाएहुड क्लब बार्सिलोना फर्किने इच्छा राखेका थिए तर त्यो तत्काल सम्भव भएन । त्यसपछि उनलाई अमेरिका र साउदी लिग खेल्ने विकल्प थिए । तर उनले अमेरिकन क्लब रोजेका हुन् ।

प्रतिक्रिया दिनुहोस्
अन्य समाचारहरु
— नेपाल क्रिकेट संघ(क्यान) ले महिला तथा पुरुष खेलाडीको वर्गीकरण र मासिक तलब वृद्धि गरेको छ । क्यानको फागुन शनिबार र सोमबार बसेको केन्द्रीय कार्यसमितिको बैठकले खेलाडीहरूको वर्गीकरण र तलबवृद्धिको निर्णय गरेको हो । क्यानले पुरुषतर्फ ३० जना र महिला टिमतर्फ १९ जना खेलाडीको वर्गीकरण गरेको छ । पुरुषतर्फ ग्रेड 'ए' मा कप्तान रोहित पौडेल, ...
— भीम सार्की र आरिफ शेख नेपाली क्रिकेटमा एकदिवसीय क्रिकेट संरचनाका लागि विशेष छन् । क्रिजमा डटेर लामो समय खेल्ने भएकाले उनीहरू वर्तमान नेपालको ट्वान्टी–२० संरचनाभन्दा केही बाहिर छन् । क्रिकेट विश्वकप लिग–२ मा उनीहरूलाई आइतबार क्रमशः सातौं र आठौं नम्बरमा ब्याटिङ गर्न पठाइएको थियो । सन् २०२७ को विश्वकप छनोटको आधार रहेको लिग २ को पहिलो शृंखलामा नेपालले ...
— वाफ वुमन्स च्याम्पियनसिपमा नेपालका लागि मिडफिल्डमा उत्कृष्ट प्रदर्शन गरिरहेकी प्रीति राईले टिमको उद्देश्य जितको यात्रालाई जारी राख्ने बताएकी छन् । साउदी अरेबियाको जेद्दामा भइरहेको प्रतियोगिताको शनिबार सेमिफाइनल समीकरण पूरा भएको छ । त्यसमा नेपालले लेवनानको सामना गर्ने भएको छ । अर्को सेमिफाइनलमा तीनपल्टको डिफेन्डिङ च्याम्पियन जोर्डनको भेट प्यालेस्टाइनसँग हुनेछ । प्रतियोगिताको समूह ‘बी’ को अन्तिम लिग खेलमा नेपालले ...
— भर्जिल भान डाइकले अतिरिक्त समयको अन्त्यतिर हेडबाट गरेको गोलको मद्दतले लिभरपुलले आइतबार वेम्बलीमा चेल्सीलाई १–० ले पराजित गर्दै नाटकीय रूपमा काराबाओ कपको उपाधि जितेको छ । चोटग्रस्त खेलाडीको समस्याबाट गुज्रिरहेको लिभरपुलले मैदानमा नयाँ र युवा खेलाडीले बाहुल्यता रहेको टिम उतारेको थियो । तर फाइनलको एक मात्र गोल भने अनुभवी कप्तान भान डाइकको नाममा रह्यो र ...
— लुका मोडरिचको उत्कृष्ट गोलको मद्दतले रियल म्याड्रिडले आइतबार स्पेनी ला लिगामा सेभियालाई १–० ले हराएको छ र लिग तालिकाको शीर्षमा आठ अंकको स्पष्ट अग्रता लिएको छ । खेल बराबरीतर्फ अग्रसर भइरहेको स्थितिमा मोडरिचले ८१ औं मिनेटमा गोल गरेका हुन् । यो जितपछि उसको २६ खेलबाट ६५ अंक भएको छ । समान खेलबाट दोस्रोमा रहेको बार्सिलोनाको ...