मुख्य समाचार
डोल्पामा टेलिकमको सेवा घाम लागुन्जेल मात्र
डोल्पामा टेलिकमको सेवा घाम लागुन्जेल मात्र

: हिमाली जिल्ला डोल्पामा नेपाल टेलिकमको भरपर्दो सेवा नहुँदा जनताले सास्ती खेप्नु परेको छ। डोल्पामा राखिएका टेलिकमका टावरले घामका छउन्जेल मात्र सेवा दिन थालेपछि डोल्पाली जनताले फोनको सास्ती खेप्नु परेको हो।


जिल्लाको त्रिपुरासुन्दरी नगरपालिका-२ रसी लेकमा राखिएको माइक्रो वेभ टावरले राम्रोसँग काम नगर्दा डोल्पाली जनताले फोन र इन्टरनेट सुविधा ढुक्कले लिन पाएका छैनन्।

मंसिर महिना सुरु भएसँगै त्रिपुरासुन्दरी र ठुलिभेरी नगरपालिकाका विभिन्न स्थानमा फोन तथा इन्टरनेटका लागि राखिएका टावरहरू अवरुद्ध हुन थालेका हुन्।

हिमाली क्षेत्रमा चिसो बडेसँगै टावर पनि आउने जाने हुन थालेको त्रिपुराकोटका स्थानीयवासी दुर्गा प्रसाद देवकोटाले बताए। एक महिना यतादेखि साँझसम्म आउने फोन टावर बिहान उठ्दाखेरी एकाएक गायब हुन थालेको उनले बताए। ‘आजको युगमा फोन र इन्टरनेट अपरिहार्य छ, कठिन भुगोल र यातायातको सुविधा नहुँदा दुर्गममा सामान्य खबर आदानप्रदान गर्न पनि एक ठाउँबाट अर्को ठाउँमा पुग्न हिँड्नुपर्छ, फोन र इन्टरनेट भइदियो भने घरबाटै खबर आदानप्रदान गर्न सकिन्छ’, उनले भने।

प्रत्येक दिन करिब पाँच घण्टासम्म फोन र इन्टरनेट सेवा दुवै जान थालेपछि दुर्गमका नागरिकलाई समस्या भएको उनको भनाइ छ। डोल्पावासीका लागि दुर्गमलाई सुगमसँग जोड्ने र सुगमको अनुभूति गराउने फोन र इन्टरनेट नै भएकाले डोल्पाका टावरलाई कसरी हुन्छ सबै समय चल्ने बनाउन पनि उनले आग्रह गरे।

रसी लेकमा राखिएको टावर अवरुद्ध भएसँगै जुफाल र त्रिपुराकोटको पनि टावर अवरुद्ध हुने गर्दछ। त्रिपुराकोटको टावर केही महिनाअघि मात्रै सुचारु भएपनि रसी र जुफालको टावरमा ऊर्जाको समस्या रहेको नेपाल टेलिकम डोल्पाका प्रशासन अधिकृत जयलाल बुढाथोकीले बताए।

विद्युत पनि नजोडिएको अवस्था र घाम नलाग्दा सोलारले राम्रोसँग काम नगर्ने भएपछि मंसिर यता डोल्पाका विभिन्न टावरमा समस्या आइरहेको उनले बताए। रसी र जुफालको टावरमा सोलार र ब्याट्री थप भएमा यो समस्या हट्ने उनको भनाइ छ।

रसी लेकमा राखिएको टावरका लागि आँखे खोला जलविद्युतबाट पोल समेत गाडिएको छ। तर,उक्त जल विद्युत सुचारु नभएपछि बत्ती भने जान सकेको छैन।

प्रतिक्रिया दिनुहोस्
अन्य समाचारहरु
इन्टरनेट जगतको दिग्गज कम्पनी गुगलले बेला बेलामा विभिन्न ठुल्ठुला कदमहरु उठाउने गरेको छ । गुगलले केहीअघि मात्रै अमेरिकामा आफ्नो अनलाइन भुक्तानी सेवा जी पे प्लाटर्फम बन्द गर्न लागेको समाचार सार्वजनिक भएको थियो । समाचार अनुसार आफ्नो घाटालाई कम गर्नका लागि गुगलले विभिन्न अहम् कदमहरु चाल्न सक्दछ । त्यसमा जिमेल बन्द गर्ने पनि एउटा विकल्प हुनसक्दछ । ...
— सरकारले टिकटकमा प्रतिबन्ध लगाएको तीन महिना बितिसक्दा पनि कतिपय इन्टरनेट सेवा प्रदायक र मोबाइल सेवा प्रदायक कम्पनीहरूको नेटकवर्कबाट टिकटक चलिरहको नियामक नेपाल दूरसञ्चार प्राधिकरणले जनाएको छ । त्यस्ता सेवा प्रदायकलाई टिकटकको पहुँचमा रोक लगाउन पटक-पटक निर्देशन दिएको भए पनि अटेर गरेकाले कारबाहीको प्रक्रिया अघि बढाएको प्राधिकरणले जानकारी दिएको छ । ‘केही सेवा प्रदायक कम्पनीहरूको नेटवर्कबाट ...
। फेसबुक, इन्स्टाग्राम तथा ह्वाट्सएप लगायतका सोसल मिडिया प्लाटफर्मको मातृ कम्पनी मेटाका सिइओ मार्क जुकरबर्गको सम्पत्ति गत वर्ष सन् २०२३ मा ८४ अर्ब डलर अर्थात् १११ खर्ब रुपैयाँले बढेको छ । फोर्ब्सको रियल टाइम अर्बपतिको सूचिमा जुकरबर्ग हाल विश्वका पाँचौँ सर्वाधिक धनी व्यक्ति हुन् र उनको कूल सम्पत्ति १ खर्ब ३९ अर्ब १० करोड डलर छ ...
। फेसबुकको मातृ कम्पनी मेटाका सीईओ मार्क जुकरबर्गले सामाजिक सञ्जालबाट बालबालिकामा परेको नकरात्मक असरप्रति उनीहरुका परिवारसँग माफी मागेका छन् । जुकरबर्गले सामाजिक सञ्जालको प्रयोगले आफ्ना बालबालिकालाई असर गरेको भन्दै आफ्ना बच्चाहरूको तस्वीर राख्ने अभिभावकसँग अमेरिकी सिनेटमा भएको सुनुवाइका क्रममा माफी मागेका हुन् । सिनेट सदस्यहरुले जुकरबर्गसहित अन्य सामाजिक सञ्जालहरु टिकटक, स्न्याप, एक्स र डिस्कर्डका मालिकहरूसँग बालबालिकामा हुने ...
— प्रविधि व्यवसायी इलन मस्कको कम्पनी न्युरालिंकले पहिलो पटक मानव मस्तिस्कमा ताररहित चिप(वायरलेस ब्रेन चिप) जडान गरेको छ । मस्कले एक्समार्फत कम्पनीले पहिलो पटक मानिसमा ताररहित चिप जडान प्रत्यारोपण गरिएको बताएका हुन् । चिप जडान गरिएको व्यक्तिको स्वास्थ्यमा सुधार भइरहेको पनि उनले जानकारी दिएका छन् । साथै प्रारम्भिक नतिजामा ती व्यक्तिको न्युरोन(स्नायुकोशिका) मा सुखद संकेत देखिएको ...