— सन ह्वेङ–मिन र जेम्स म्याडिसनको गोलको मद्दतले फुलहमलाई सोमबार २–० ले पराजित गर्दै फेरि इंग्लिस प्रिमियर लिगको शीर्ष स्थानमा उक्लेको छ । यससँगै एन्ज पोस्टेकोग्लोउको टिमले लिगमा आफ्नो अपराजित यात्रा नौ खेल पुर्याएको छ
टोटनहमले ह्वेङ–मिनको गोलले अग्रता लिएपछि यस सिजनको सुरुआतमा लेस्टर सिटीबाट आएका म्याडिसनले दोस्रो गोल थपे । नयाँ क्लबका लागि उनको यो पहिलो गोल हो ।
टोटनहमले म्यानचेस्टर सिटी, आर्सनल र लिभरपुललाई उछिनेर शीर्ष स्थानमा दुई अंकको अग्रता बनाएको हो । लिग तालिकामा टोटनहमको २३ अंक छ भने उसको पछाडि सिटी र आर्सनलको समान २१ तथा लिभरपुलको २० अंक छ ।
फुलहम भने ११ अंकमा १३ औं स्थानमा छ । फुलहम मात्र यो सिजन यस्तो टिम रहेको छ, जसले टोटनहमलाई हराएको छ । फुलहमले गत अगस्टको लिगकप खेलमा जित निकालेको हो । तर लिगमा उसले त्यस्तै प्रदर्शन गर्न भने सकेन ।
