मुख्य समाचार
बालेनले प्रचार गर्छन्, म हल्ला नगरी काम गर्छु : स्वास्थ्यमन्त्री बस्नेत
बालेनले प्रचार गर्छन्, म हल्ला नगरी काम गर्छु : स्वास्थ्यमन्त्री बस्नेत

काठमाडौं। स्वास्थ्य तथा जनसंख्यामन्त्री मोहनबहादुर बस्नेतले स्वास्थ्य संस्था अनुगमनमा काठमाडौं महानगरपालिकाका मेयर बालेन्द्र शाहले अनावश्यक प्रचार मात्रै गरेको बताएका छन्।

शुक्रबार मन्त्रालयमा आयोजित पत्रकार सम्मेलनमा मन्त्री बस्नेतले बालेनले बढी प्रचार गरेको र आफूले गोप्य रुपमा स्वास्थ्य संस्थाको अनुगमन गरिरहेको बताएका हुन् ।

‘अस्पतालको अनुगमन गर्नका लागि हामीले कार्ययोजना बनाइरहेका थियो। १० प्रशित विपन्न र लक्षित वर्गलाई अस्पतालले दिनुपर्ने सेवाको विषयलाई लिएर काठमाडौंका मेयर बोलेन पनि मलाई भेट गर्न आउनु भएको थियो’ मन्त्री बस्नेतले भने, ‘त्यसबेला मैले यो विषय मन्त्रालयको कार्ययोजनामा परिरहेकाले बाहिर प्रचार-प्रचार नगरी अनुगमन गर्ने बताएको थिए। तर, बालेनले एकहप्ता भित्र काम नभए आफैं एक्सनमा उत्रिने भाषामा उहाँले प्रचार गर्नुभयो।’

एक हप्ताभित्र स्वास्थ्य मन्त्रालयले गरेको अनुगमनको कामको रिजल्ट पनि दिइने भनेको कुरा उल्लेख गर्दै एक हप्ता पूरा नगर्दै अनुगमन गरेको बताए ।


‘उहाँलाई हामीले अस्पताल अनुगमनमा लैजान बताएका थियौं। प्रक्रिया हामी सुरु गछौं। कुन दिन गर्ने भनेर गोप्य पनि राख्छौं। तपाईलाई पनि खबर छौं । तर, खबर गर्दा आउनुहोस् भनेका थियौ’ मन्त्री बस्नेतले भने , ‘ आज हामी अनुगमनमा निस्किुनभन्दा एक घण्टा अगाडि भन्ने भनेर योजना बनाएर बसेका थियौं। तर, यो एक हप्तामा उहाँलाई नेपालमा फेला पारिएन।’

‘यो प्रचार गर्ने शैलीभन्दा काम गर्ने शैलीमा जोड दिनुपर्छ। तर, उहाँले मसँग भेटेर बाहिर निस्किएपछि फेसबुकमा हल्ला गर्नुभयो। मैले अनुगमनमा बालेनलाई पनि बोलाएको आउनुभएन। उहाँ नेपालबाहिर हुनुहुन्छ भन्ने सुनियो’ मन्त्री बस्नेतले थपे।

गत मंगलबार मेयर बालेनले विपन्न र लक्षित वर्गलाई सेवा दिएको विवरण नबुझाउने अस्पताललाई कारबाही गर्न स्वास्थ्यमन्त्रीसँग भेटवार्ता गरेका थिए ।

सो क्रममा उनले महानगरलाई १० प्रशित विपन्न र लक्षित वर्गलाई सेवा दिएको विवरण उपलब्ध नगराउने ६८ स्वास्थ्य संस्थाको नाम उपलब्ध गराएका थिए ।

स्वास्थ्य मन्त्रालयले कारबाही सुरु नगरे आफूले नै ती स्वास्थ्य संस्थाको प्रशासन कक्ष बन्द गराइदिने चेतावनी दिइएको बालेनले समाजिक सञ्जालमा लेखेका थिए।

विपन्न वर्गलाई कानुन बमोजिम उपचारमा दिएको छुट सुविधाको विवरण महानगरले माग्दा पनि उपलब्ध नगराएका ६८ वटा स्वास्थ्य संस्थालाई कारबाही गर्न मेयर शाहले मन्त्री बस्नेतलाई भेटेर ध्यानाकर्षण गराएका थिए।

शुत्रबार बिहान मात्रै मन्त्री बस्नेतले शहीद गंगालाल राष्ट्रिय हृदय रोगकेन्द्रको अनुगमन गरेका थिए।

स्वास्थ्य संस्था सञ्चालन मापदण्ड २०७७ को परिच्छेद २४ दफा ७ (घ) बमोजिम विपन्न, असहाय, वेवारिसे बिरामीका लागि कुल शैयाको १० प्रतिशत शैया छुट्याएर निःशुल्क उपचार गर्नुपर्ने व्यवस्था छ।

स्थानीय सरकार सञ्चालन ऐन, २०७४ को दफा ११ (४) ख मा स्वास्थ्य संस्थाको नियमन गर्ने कानुनी अधिकार स्थानीय तहलाई दिइएको छ ।

प्रतिक्रिया दिनुहोस्
अन्य समाचारहरु
। न्यूरोडको फुटपाथ विस्तारको विवाद टुंगिएको छ । यो सहमतिअनुसार वडा नम्बर २४ को फुटपाथ विस्तार सम्पन्न गरिनेछ भने अरुतिर मंसिरसम्म रोकिने छ । मेयर, उपमेयर, प्रशासकीय प्रमुख र वडाध्यक्षहरूबीच सोमबार भएको वार्तामा वडा नम्बर २४ मा भएको फुटपाथ विस्तारलाई सम्पन्न गर्ने र यसले आर्थिक, समाजिक सांस्कृतिक र आवतजावतमा पार्ने प्रभावबारे अध्ययन गर्ने सहमति भएको छ ...
। नेकपा माओवादी केन्द्रका उपमहासचिव जनार्दन शर्माले रुकुमपश्चिममा दुई हजार ६ सय ९० घर अत्यन्त जोखिममा परेको बताएका छन् । सोमबार प्रतिनिधि सभामा आकस्मिक समय लिएर बोल्दै उनले यस वर्षको मनसुनले ४८ परिवार विस्थापत भइसकेको बताए । दुई हजार ६ सय ९० घर अत्यन्त जोखिममा परेको र स्थानान्ततरण गर्नुपर्ने अवस्थामा रहेको भन्दै सरकारको ध्यानाकर्षण गरे । उनका ...
। प्युठानमा गत आथिक वर्षमा ५३ वटा घरेलु हिंसाका मुद्दा दर्ता भएको जिल्ला प्रहरी कार्यालय, प्युठानले जनाएको छ । प्रहरीमा दर्ता भएका सबै मुद्दा दुवै पक्षबीच मिलापत्र गराई सल्टाइसकेको प्रमुख प्रहरी नायव उपरीक्षक ईश्वर थापाले जानकारी दिए । प्युठान प्रहरीले आफ्नो वार्षिक कार्य प्रगति विवरण प्रस्तुत गर्दै समुदाय–प्रहरी साझेदारी कार्यक्रमले पीडितहरुलाई प्रहरीमा आउन सहज वातावरण बनेको ...
। विद्युत् नियमन आयोगले डेडिकेटेड र ट्रंक लाइन विवादमा काटिएको ६ वटा उद्योगको लाइन जोडिदिन निर्देशन दिए पनि विद्युत् प्राधिकरणले लत्याएको छ । सोमबार बसेको प्राधिकरण सञ्चालक समिति बैठकमा कार्यकारी निर्देशक कुलमान घिसिङले नै आयोगले दिएको निर्देशन कार्यान्वयन गर्ने निर्णयमा असहमति जनाएको एक बोर्ड सदस्यले अनलाइनखबरलाई बताए । ‘यस विषयमा वृहत छलफल भए पनि निष्कर्ष निस्कन सकेन’ ...
। उपप्रधानमन्त्री एवं शहरी विकासमन्त्री प्रकाशमान सिंहले जनताको चाहना र देशको आवश्यक्ताअनुसार संविधान संशोधन हुनसक्ने बताएका छन् । सहिद स्मृति प्रतिष्ठानले सोमबार गरेको एक कार्यक्रममा मन्त्री सिंहले प्रक्रिया पूरा गरेर संविधान संशोधन गर्न सकिने बताएका हुन् । ‘यो संविधानको विशेषता नै प्रक्रिया पूरा गरेर संविधानमा जनताको माग र समयको आवश्यकता अनुसार संशोधन गर्न सकिने प्रावधान हो । ...