मुख्य समाचार
अमेरिकी राष्ट्रपति बाइडेन स्टेजमै लडे
अमेरिकी राष्ट्रपति बाइडेन स्टेजमै लडे

वासिङटन डिसी : अमेरिकी राष्ट्रपति जो बाइडेन बिहीबार अमेरिकाको कोलोराडो प्रान्तमा रहेको युएस एयर फोर्स एकेडेमीको स्नातक दिवस समारोहमा स्टेजमा धरमराएर लडेका थिए ।

मञ्चमा आफ्नो सिटतर्फ जान लाग्दा यो घटना भएको हो । उनको खुट्टा प्लेटफर्ममा राखिएको बालुवाको बोरामा ठोक्किएर लडेका हुन्।

अमेरिकी राष्ट्रपति जो बाइडेन लडेको देखेपछि त्यहाँ उभिएका सुरक्षाकर्मीले उनलाई उभिन मद्दत गरे ।

त्यसपछि उनी बिना कुनै सहयोग आफ्नो सिटमा पुगे र पछि आफ्नो कारतर्फ दौडिएर गए ।

ह्वाइट हाउसका सञ्चार निर्देशक बेन लाबोल्टले अमेरिकी राष्ट्रपति पूर्णतया स्वस्थ रहेको बताएका छन् ।

८० वर्षीय अमेरिकी राष्ट्रपति जो बाइडेन सार्वजनिक स्थानमा लडेका यो पहिलो पटक भने होइन।


उनी यसअघि पनि साइकलबाट लडेका थिए । र एक पटक उनी एयर फोर्स वनको भर्याङबाट लडेका थिए।

बाइडेनका आलोचकहरूले उनको बढ्दो उमेरका कारण उनको क्षमताको बारेमा निरन्तर आशंकाहरू उब्जाइ रहेका छन्।

बाइडेनले भने फेरि पनि चुनाव लड्ने घोषणा गरेका छन् । यसपटक उनले चुनाव जिते भने ८२ वर्षको उमेरमा अमेरिकी राष्ट्रपतिको सपथ लिनेछन् । बीबीसी

प्रतिक्रिया दिनुहोस्
अन्य समाचारहरु
— भारतीय रिजर्व बैंकले दुई हजारको नोट साट्ने समयावधि एक साता थप गरेको छ । रिजर्व बैंकले चलनचल्तीमा रहेको दुई हजारको नोटलाई बैंकमा फर्काउने नीति लिएको हो । उक्त नोटलाई बैंकमा जम्मा गराउन वा साटेर अर्को नोट लिनलाई यसअघि सेप्टेम्बर ३० तारिखसम्मको समय दिइएको थियो । शनिबार जारी सूचनाअनुसार उक्त अवधिलाई अक्टोबर ७ सम्म बढाइएको हो । रिजर्व बैंकले गत ...
— अजरबैजानको द्वन्द्वग्रस्त क्षेत्र नागोर्नो–काराबाख क्षेत्रमा केही सातायताको तनावका कारण त्यहाँ बस्दै आएका १ लाख व्यक्ति विस्थापित भएका छन् । आर्मेनियन समुदाय बसोबास गर्दै आएको उक्त क्षेत्रलाई पछिल्लो साता अजरबैजानले नियन्त्रणमा लिएपछि सैनिक कारबाहीबाट जोगिन अधिकांशजसो स्थानीय आर्मेनियामा विस्थापित भएका हुन् । अजरबैजानी सैनिकसँगको लडाइँ सुरु भएपछि स्थानीय समूह निःशस्त्र र भंग हुन तयार भएको हो । अजरबैजानले उक्त ...
— भारतमा रहेको अफगानिस्तानको दूतावासले आइतबारदेखि आफ्नो कामकाज बन्द गरेको जनाएको छ । दूतावासले भारत सरकारका तर्फबाट समर्थनमा कमी भएको तथा कर्मचारी र आवश्यक कार्य संसाधनको अभावले कार्यालय बन्द गर्नुपर्ने स्थिति आएको बताएको छ । दिल्लीमा रहेको अफगान दूतावास बन्द हुने चर्चा केही दिनयता चल्दै आएको बेला दूतावास स्वयंले विज्ञप्ति जारी गरेर त्यसको पुष्टि गरेको हो । २०२१ को ...
— दक्षिण–पश्चिम स्पेनको एक रात्रि क्लबमा आइतबार बिहान आगलागी हुँदा कम्तीमा १३ जनाको मृत्यु भएको छ । चार जना घाइते भएका छन् । मर्सिया सहरको बाहिरी भागमा रहेको टेट्रे नाइट क्लबमा आगलागी भएको हो । स्वास्थ्य सावधानी तथा आपतकालीन सेवा संयोजन केन्द्रले १३ जनाको मृत्यु भएको पुष्टि गरेको छ । घाइतेमध्ये २२ र २५ वर्षका दुई महिला र ४१ र ...
— माल्दिभ्समा शनिबार भएको राष्ट्रपतिको चुनावमा प्रोग्रेसिभ पार्टी अफ माल्दिभ्स (पीपीएम) का उम्मेदवार मोहम्मद मुइज्जुले जित हासिल गरेका छन् । उनले वर्तमान राष्ट्रपति माल्दिभियन डेमोक्रेटिक पार्टी (एमडीपी) का उम्मेदवार इब्राहिम मोहम्मद सोलिहलाई पराजित गरेका हुन् । मुइज्जुले चुनावमा ५४ प्रतिशत मत पाएका छन् । राजधानी मालेका मेयर रहेका मुइज्जु चीनप्रति सहानुभूति लिने नेता मानिन्छन् । उनको मुख्य चुनावी नारा पनि ...