मुख्य समाचार
फ्रान्समा बच्चाका तस्वीर सामाजिक सञ्जालमा राखे अभिभावकलाई कारबाही
फ्रान्समा बच्चाका तस्वीर सामाजिक सञ्जालमा राखे अभिभावकलाई कारबाही

प्रायः छोराछोरीका तस्वीरहरू सामाजिक सञ्जालमा शेयर गर्ने बानी सबैजसो अभिभावकको हुन्छ । तर फ्रान्सले भने अभिभावकको यस्तो कार्यलाई रोक्नका लागि कडा कानून बनाएको छ । जसअनुसार बच्चाका तस्वीर सामाजिक सञ्जालमा सेयर गर्ने अभिभावलाई सजाय हुनेछ ।

बालबालिकालाई उनीहरूका तस्वीर तथा भिडियोमा गोपनीयता प्रदान गर्नका लागि फ्रान्सले एक नयाँ कानून पारित गरेको हो । यो कानूनले अब फ्रेन्च अभिभावकहरुलाई आफ्ना बच्चाका तस्वीरहरु सोसल मिडियामा पोस्ट गर्न रोक लगाउनेछ ।

आमा बुवाहरुलाई ससक्त बनाउन र आफ्ना तस्वीरमाथि केवल आफ्नो मात्रै नियन्त्रण रहेको अनुभूति बालबालिकाहरुमा गराउनका लागि उक्त कानून निर्माण गरिएको बताइएको छ ।

उक्त विधयेकलाई फ्रान्सको संसद नेसनल एसेम्बलीले पारित गरेको छ । यसले अभिभावकलाई सोसल मिडियामा आफ्ना बच्चाका तस्वीर शेयर गर्नमा प्रतिबन्ध लगाउने अधिकार अदालतलाई प्रदान गरेको छ ।

कानून अनुसार आमा बुवामध्ये जो कोहीले पनि आफ्ना बच्चाको तस्वीर सोसल मिडियामा सेयर गरेमा दुवै जनालाई नै जिम्मेवार ठडहराइनेछ ।

बच्चासँग सहमति लिनुपर्ने

उक्त कानून अनुसार अब अभिभावकहरुले आफ्ना बच्चाको बारेमा सोसल मिडियामा कुनै कुरा पोस्ट गर्नु परेमा पनि त्यसअघि सम्बन्धित बच्चाको सहमति लिनुपर्नेछ । बच्चाको सहमतिविना अभिभावकले सोसल मिडियामा कुनै पनि स्टाटस पोस्ट गर्न सक्ने छैनन् ।

फ्रेन्च अभिभावकहरुमा बच्चाका तस्वीर खास गरी इन्स्टाग्राममा सेयर गर्ने प्रचलन निकै बढेको र त्यसले बालबालिकाको गोपनीयता हनन् भैरहेको चर्चा भैरहेको बेला यो नयाँ कानून बनेको हो ।

विधयेक पेस गर्ने सांसद ब्रुनो स्टुन्डरका अनुसार सोसल मिडियामा सेयर गरिने बच्चाका तस्वीरहरुलाई चाइल्ड पोनोग्राफीका लागि दुरुपयोग गर्ने खतरा हुन्छ ।

साथै त्यो विद्यालयको माहौलमा गलत कार्यको कारण पनि बन्न सक्दछ । चाइल्ड पोनोग्राफी फोरममा प्रयोग भएका ५० प्रतिशत तस्वीरहरू अभिभावकहरुले नै सोसल मिडियामा अपलोड गरेका तस्वीरहरु हुने गरेको बताइन्छ ।

प्रतिक्रिया दिनुहोस्
अन्य समाचारहरु
— पाकिस्तानको उत्तरपश्चिमी खैबर पख्तुनख्वा (केपी) प्रान्तमा मंगलवार भएको आतंकवादी हमलामा पाँच चिनियाँ नागरिक र एक पाकिस्तानीको मृत्यु भएको पाकिस्तानस्थित चिनियाँ दुतावासले पुष्टि गरेको छ । आक्रमण मंगलबार दिउँसो १ बजे भएको थियो । प्रान्तमा चिनियाँ कम्पनीले निर्माण गरिरहेको दासु जलविद्युत आयोजनाको गाडीमा आतंककारीहरूले आक्रमण गरेको दूतावासले जनाएको छ । यो घटना प्रान्तको साङ्ला क्षेत्रमा भएको ...
। इस्लामिक मुलुक साउदी अरबले पहिलोपटक विश्व प्रतिष्ठित सौन्दर्य प्रतियोगिता मिस युनिभर्समा भाग लिने भएको छ । रुमी अलकाहतानीले उक्त पेजेन्टमा मुलुकको प्रतिनिधित्व गर्ने भएकी छन् । राजकुमार मोहम्मद बिन सलमान अल साउदको नेतृत्वमा खुलापनको नीति आत्मसात गर्दै आएको साउदीको यो अर्को महत्वपूर्ण कदम हो । २७ वर्षीया मोडल अलकाहतानीले मंगलबार इन्स्टाग्राममा यसबारे जानकारी दिंदै आफूले ...
। क्रिकेटर सोमपाल कामीले आयरल्याण्ड ए विरुद्धको दोस्रो टी–२० अभ्यास खेलमा ‘प्लेयर अफ द म्याच’ भएबापत प्राप्त नगद पुरस्कार पशु उद्धारसम्बन्धी सामाजिक संस्थालाई हस्तान्तरण गर्ने घोषणा गरेका छन् । उनलाई पुरस्कारबापत ७ हजार ५०० रुपैयाँ फिल्म ‘मनसरा’का निर्माता तथा छायांकार शैलेन्द्र डी कार्कीले प्रदान गरेका थिए । उक्त रकम सयौं बेवारिसे र सडक कुकुरलाई आश्रय दिंदै ...
। दिल्लीका मुख्यमन्त्री अरविन्द केजरिवालविरुद्ध मदिरा नीतिमा घोटाला प्रकरणमा सरकारी साक्षी बनेका व्यापारी सत्तारुढ भारतीय जनता पार्टीलाई चुनावमा पैसा दिने व्यक्ति रहेको खुलेको छ । हैदरवादका व्यापारी पी सरथ चन्द्र रेड्डी केजरिवालविरुद्ध सरकारी साक्षी बनेर चर्चामा छन् । रेड्डी स्वयंलाई इन्फोर्समेन्ट डाइरेक्टोरेट (ईडी) ले सन् २०२२ नोभेम्बर १० मा मुद्रा अपचलन मुद्दामा गिरफ्तार गरेको थियो । ...
— कार्गो जहाज ठोक्किँदा अमेरिकाको मेरिल्यान्ड राज्यको बाल्टिमोरमा रहेको पुल भत्किएको छ । मंगलबार बिहानपख कार्गो जहाज ठोक्किँदा २.५७ किलोमिटर लामो 'फ्रान्सिस स्कट की' पुल भत्किएको अन्तर्राष्ट्रिय सञ्चार माध्यमहरूले जनाएका छन् । कम्तीमा ७ वटा गाडी नदीमा खसेको सञ्चारमाध्यमहरूले जनाएका छन् । युट्युबमा पोस्ट गरिएको लाइभ भिडियोमा जहाजले पुललाई ठक्कर दिएको देखिन्छ । त्यसपछि पुलका केही ...